GEGURITAN
Kedhung Atiku
Karipta
dening Eny MS
Ing njero
atiku ana mbulan
Endah,
rinengga mega putih arak-arakan
Yen sliramu
pengin nglukis ing kanvasmu
Sawangen
kang permati nganggo atimu
Ing njero
atiku ana srengenge
Sing tansah
amadhangi lakuku saben dinane
Yen sliramu
ngersakake cahyane
Jupuken
nganggo tuluse asihmu ora mung gawe-gawe
Ing njero
atiku uga ana kedhung
Papan
nganggo kungkum yen piker lagi bingung
Yagene
ngerti-ngerti ana ati sing kecemplung …?
Kembang
Kembang….
Yen nedheng
mekar
Mbabar ganda
ngambar-ambar,
Akeh bremana
mara,
Ngisep sarining
sekar,
Saka pletheking
surya
Nganti
suruping surya
Kembang
Yen lagya
mekar,
Mbabar rupa
mancawarna,
Abang,
kuning, biru, jingga
Karya reseping
nala.
Eman, kang
mengkono mung sakedhep netra,
Nuli…alum,
Wusana rontog
tiba lemah.
Nanging alum
lan rontoging kembang,
Dudu prakara
muspra,
Alum lan
rontog dadi wektu cecawis,
Dumadining woh
lan wiji.
Wiji
tinandur kapendhem lemah,
Tuwuh tuwuhan
anyar,
Tuwuhan anyar
kembang maneh,
Alum lan
rontog maneh.
Iki laku
jantraning urip,
Nyakra manggilingan
Aku uga duwe
jejibahan kadya kembang
Mbabar warna
endah edipeni,
Ganda arum
amrih wangi
Tindak tandukku
becik
Karyenak tyasing
sasami,
Mundhi dhawuh
Dalem Gusti
Tidak ada komentar:
Posting Komentar